Il Comune di Pabillonis ha aderito al festival di letteratura per ragazzi Tuttestorie.

L'Assessore alla Cultura     L'Assessore alla Pubblica Istruzione            Il Sindaco

     Rosita Bussu                      Graziella Gambella                Riccardo Sanna

---

 

 

 

 

Su Comunu de Pabillonis pigat parti a su festival de lite- radura po piciocheddus “Tuttestorie”.

Sa manifestada, lómpia a sa de 13 editzionis, est connota a livellu natzionali intra de is prus importantis festival literàrius riservaus a is prus gióvunus e cust’annu est dedicau a s’argumentu de is disígius.

Is atóbius cun is autoris si faint in is Scolas de s’Infàntzia e in is Elementaris in dís chi sighint: 4, 8 de Meseladàmini 2018 e interessant totus is studiantis e is insenniantis.

PABILLONIS 4 – 8 DE MESELADÀMINI

Atóbiu cun is scolas

GIÓBIA 4 DE MESELADÀMINI

1. h. 9,00 > scola elementari III / IV / V

LUPINELLA

Atóbiu cun Giuseppe Festa

1. h. 11,00 > scola segundària/média

CENTO PASSI PER VOLARE

Atóbiu cun Giuseppe Festa

Giuseppe Festa est laureau in Sciéntzias Naturalis e si ocupat de educatzioni ambientali. Musicista amantiosu est cantanti e autori de su grupu Lingalad.

Sa música cosa sua, càrriga de sciascinu  pigau de su mundu naturali, at atobiau un’acunsentimentu mannu de crítica e de púbricu e custu dd’at portau a si ammostai in palcuscénicus de importu e internatzionalis, de New York a Bruxelles, de Torontu a Francuforti. Protagonista de su film documentàriu “ Oltre la Frontiera”, est autori de unus cantu documentàrius apitzus de sa natura trasmítius de sa RAI. At pubricau is arromanzus “Il passaggio dell’orso” (Salani, 2013; Mondadori Scuola 2014), “L’ombra del gattopardo” (Salani, 2014), “La luna è dei lupi” (Salani, 2016) e “Cento passi per volare (Salani, 2018), furriaus e pubricaus a foras de stadu puru. Is úrtimus líbburus funt “Lupinella” (editoriale Scienza) e “I figli del bosco” (Garzanti)

LUNIS 8 DE   MESELADÀMINI

1. h. 9,00 > scola de s’Infàntzia
2. h. 11,00 > scola elementari I/ II

“ I DESIDERI DEGLI ALTRI”

Atóbius cun FRANCESCA AMAT e MANUEL CONSIGLI

Francesca Amat. Artista stravanada e cun tantis facis, umperat linguàgius diferentis ingruxendi s’arti bisiva cun su teatru musicali e sa “perfomance”. Medas is trabballus fatus imparis cun àterus artistas, intra de cuscus Alberto Casiraghi (editzionis Pulcinoelefante), Alda Merini, Bruno Tognolini. A s’atividadi de circa acostiat s’atividadi pedagógica insenniendi in medas scolas de s’Infàntzia e in is elementaris, in is presonis e in is centrus de sa dí e pighendi parti a Festival in Itàlia e a foras de stadu.  Fait  puru cursus de formatzioni po insenniantis e educadoris e “workshop” in s’Universidadi Bicocca de Milanu. At pubricau disénnius cun Franco Cosimo Panini Ragazzi Radici, Sinnos Editzionis “Il raggio sottile”, editzionis Pulcino Elefante, Campanotto, Editzionis la Vita Felice.   Òperas e trabballus de arti bisiva funt stétias strangiadas in ammostas e festival in Itàlia e a foras de stadu. In su 2010 at fundau “L’Atelier del Vento” chi prumovit cursus e labboratórius de arti bisiva e performativa.

Manuel Consigli.  Ghitarrista, cumponidori, didata, autori e tradusidori. De su 1990 fait su musicista professionista, sonendi in is “jazz club”, in is localis e is rassinnias de música e trabballendi imparis cumenti a strumentista o arrangiadori cun musicistas, atoris, badderinus e artistas. Trabballat imparis, cumenti a autori e tradusidori, cun is Editzionis Curci.

Su Festival est fatu imparis a sa Biblioteca Comunali de Pabillonis.