previous arrow
next arrow
Slider
4 mori
Sa Província Sud Sardigna, ponendi a dispositzioni su dinai de sa L.R.6/2012 po sa prumotzioni linguística bisíbbili de sa língua sarda, at decídiu cun is comunus alleaus de su progetu, de cumbidai totus is operadoris interessaus a ammostai s’acunsentimentu insoru po s’umperu e s’avaloramentu de sa língua sarda in is atividadis diferentis de cumpeténtzia, po fai insinnias, listas (“menù”),  artellinus ed etichetas de merci, e aici sighendi.
Sa tarea de su progetu est sa de lompi a su bilinguismu sardu - italianu e de umperai su sardu cun sa matessi dinnidadi de s’italianu in sa cumpridura de is atividadis de trabballu, istitutzionalis e puramenti acapiadas a sa vida de dónnia dí.
Duncas, totus is chi ant ammostau s’acunsentimentu insoru, ant a podi tenni:
1. Acanta a s’insínnia chi giai esistit, un’insínnia in língua sarda de s’atividadi, de sa butega, de su labboratóriu e de s’ufíciu, e aici sighendi.;
2. Listas (“Menù”) de ristorantis/tzilleris/logus de ristoratzioni e de stràngia ( B&B, locandas, posadas, e aici sighendi) in Sardu, Italianu e Ingresu;
3. Cartellinus e etichetas de is prodotus in béndita in Língua Sarda.
 
Pabillonis – Dot.ra Annalisa Caboni – su cenàbara 8,30-13,30 in sa Biblioteca de su Comunu de Pabillois-
“e-mail”: Questo indirizzo email è protetto dagli spambots. È necessario abilitare JavaScript per vederlo.;

TÉRMINIS PO SA PRESENTADA DE SA DOMANDA
Aintru de su 15 de Meseidas 2017 totus is interessaus depint presentai domanda a is Operadoris de is Ufítzius de Língua Sarda chi providint a trasmiti is domandas a sa Província – Àrea Cultura –Ufíciu de Língua Sarda D.ra Alessia Etzi - 0709356356- 3385340472- Questo indirizzo email è protetto dagli spambots. È necessario abilitare JavaScript per vederlo.

DINAI
Su dinai po sa cumpridura de s’interventu est su de su finantziamentu regionali de su progetu “Sighidura de sa sperimentatzioni linguística in su Campidanu de Mesu”, de sa L.R. 6/2012, art. 13, comma 2 – Dinai integrativu regionali L. 482/99 artt. 9 e 15 de “ Amparu de is Minorias linguísticas
istorícas” anualidadi 2013
 
 
Pabillonis, 27 Cabudanni 2017
 
 S'Assessora             Su Sindigu        
Rosita Bussu      Riccardo Sanna

Torna all'inizio del contenuto