previous arrow
next arrow
Slider

ponte bau sa taula
SI FAIT SCIRI
chi cenàbara a  mengianu est a nai su 12 de Austu 2016 sighint is trabballus po ponni in seguresa sa strada Bau sa Tàula cun sa sistematzioni de su mantu stradali. Potanti, po permitiri is trabballus, sa circulatzioni est blocada de is otu de a mengianu (8,00) fintzas a is cuatru de a merí.
 
   Su Sindigu
Riccardo Sanna

lampione2
Si fait sciri a is citadinus chi a incumentzai de su mesi de Austu 2016 est ativa una gestioni noba de manutentzioni de s'arretza de illuminatzioni púbblica. Su servítziu nou at a permiti in is mesis chi intrant, de rennovai de unu totu s'arretza po médiu de su càmbiu  de totus is pintus luxi de su centru urbanu cun módulus led a consumu energéticu bàsciu e a resa luminosa arta, innòi inclúdia  s'installadura de is puntus luxi nous innui funt stétius bogaus is palus perigulantis, ponendi duncas fini a is disàgius in unas cantu bias chi fintzas a oi funt pagu illuminadas. Cun su servítziu nou, giai immui, calisisiat citadinu podit sinnalai deretu de domu, guastus o istrobbus po médiu de unu númunu birdi a gratis, cun sa tarea de currispundi unu  interventu prontu de sa dita chi tenit s'apaltu.

numero verde illuminazione


   Su Sindigu
Riccardo Sanna

Contributi-allo-Sport

S’arragordat a totus is Assótzius Isportivus interessaus chi, cumenti de arregulamentu, aintru e non prus a tradu de su 30 de Cabudanni si podit presentai domanda po gosai de is cuntribbutus ordinàrius e straordinàrius po sa pràtiga de s’atividadi isportiva fata in sa stagioni 2015/2016.

Podint gosai de is cuntribbutus is Assótzius isportivus  diletantis iscritas regularmenti in s’Albu Comunali, chi mandant domanda a su Comunu segundu is maneras previdias e chi tenint is rechisitus chi sighint:

  • Assotziaus a is federatzionis isportivas natzionalis e/o àterus entis de prumotzioni isportiva arreconnotus de su CONI e chi òperant in cuntestu natzionali, regionali e/o provinciali;
  • Praticantis atividadi agonística regulari in s’interis de s’annu po médiu de sa participatzioni a campionaus o manifestatzionis uficialis organizadas de is federatzionis e/o de is entis de prutzioni isportiva o de coordinamentus e struturas chi imprassant is matessis.
  • Is chi tenint sedi legali in su Comunu de Pabilois.

Is mollus si podint scarrigai deretu “on line” opuru si podit domandai in s'Ufíciu Isport de su Comunu de Pabilois in s'oràriu de abertura a su púbblicu.

Pabillonis, 2 de Cabudanni de su 2016

  S'Assessori a s'Isport            Su Sindigu         
        Marco Sanna            Riccardo Sanna

 
educatoriSi fait sciri chi de Cenàbara 2 de Cabudanni 2016 su servítziu "INFORMAGIOVANI" e su servítziu "SPAZIO ADOLESCENTI" torrant a incumentzai in manera regulari is atividadis segundu su calendàriu e s'oràriu chi sighit: 

"INFORMAGIOVANI":
Lunis  15:30 - 18:30
Mércuris  10:00 - 13:00
Cenàbara 10:00 - 13:00

 "SPAZIO ADOLESCENTI" : Cenàbara de is 16:00 fintzas a is 18:00 (Primu Fàscia) – De is 18:00 fintzas a is 20:30 (Segunda Fàscia)

Su "SPAZIO INFANZIA" torrat a incumentzai intamis da Martis 6 de Cabudanni 2016 segundu su calendàriu e s'oràriu chi sighit:
Martis de is 9:30 fintzas a is 11:00 (Primu Fàscia) – De is 11:00 fintzas a 12:30 (Segunda Fàscia).
A incumentzai de su 13 de Cabudanni 2016 intamis torrant a aberri a merí segundu s'oràriu chi sighit:
Martis da is 15:30 fintzas a is 17:00 (Primu Fàscia) – De is 17:00 fintzas a is 18:30 (Segunda Fàscia)

In prus funt torra abertas is iscritzionis a is servítzius po pipius e piciocus..
Su mollu si podit cumpilai in s'interis de is oras de su “Spazio Infanzia” e de su “Spazio Adolescenti” in su Centru de Agregatzioni Sociali de Pabillonis.

  S'Assessora                 Su Sindigu
Graziella Gambella        Riccardo Sanna

Torna all'inizio del contenuto